Prokuror publik nga Prokuroria Themelore Publike Shkup solli Urdhër për zbatim të procedurës hetuese kundër një personi të dyshuar për – vepra të rënda kundër sigurisë së njerëzve dhe pronës në komunikacion sipas nenit 300 paragrafi 1 lidhur me nenin 297 paragrafi 1 nga Kodi Penal, njofton Portalb.mk.
Më 9 maj, si pjesëmarrës në komunikacion në rrugët publike, i dyshuari në rrugën “Xhon Kenedi” ka drejtuar automobilin “Reno modus”, por nuk u është përmbajtur dispozitave dhe me këtë e ka rrezikuar komunikacionin publik dhe i ka sjellë në rrezik njerëzit.
Duk mos i respektuar shenjat në rrugë, gjegjësisht vijën e dyfishtë të bardhë të plotë të shënuar gjatësisht, ai është kthyer majtas me automjetin e tij, pa u bindur paraprakisht se këtë mund ta bëjë pa rrezikuar pjesëmarrësit e tjera në komunikacion ose pronën. Madje, nuk ka mbajtur llogari për pozitën, drejtimin dhe për shpejtësinë e lëvizjes së automjetit, me ç’rast ka kaluar në një pjesë të rrugës e dedikuar për lëvizje të automjeteve nga drejtimi i kundërt dhe në të ka goditur një motoçikleta “BMW” i cili ka lëvizur nëpër korsinë e majtë të komunikacionit.
Nga goditja, motiçiklisti ka marrë lëndime të rënda trupore dhe është hospitalizuar.
Me qëllim të sigurimit të të dyshuarit gjatë procedurës, prokurori publik i ka propozuar gjykatës të caktojë masa kujdesi: ndalesë për braktisje të vendbanimit, obligim që i dyshuari të paraqitet përkohësisht tek personi zyrtar, marrje parakohe të dokumentit të udhëtimit për kalim të kufirit shtetëror, si dhe marrje të patent shoferit, gjegjësisht ndalesë për dhënie të saj.