Më 06.10.2025, pranë lagjes Nova Kolonija, zyrtarl policie nga Departamenti për operacione speciale policore, duke vepruar sipas një plani nga SPB Shkup, i privuan nga liria N.A. (45) dhe A.J. (23) nga Shkupi, transmeton Portalb.mk.
Personat, të cilët janë të dënuar, por ishin në pushim nga Burgu i Idrizovës, duke drejtuar një automjet pasagjerësh “Range Rover” në rrugën “Pançe Nedellkovski” në Shkup rreth orës 20:20, nuk u ndalën në sinjalin e dhënë nga zyrtarët e policisë dhe ikën, pas së cilës menjëherë u morën masa dhe aktivitete për t’i ndaluar dhe privuar nga liria.
U organizua ndjekje për automjetin, i cili u drejtua drejt rrugës anësore, dhe më pas drejt rrugës rajonale Shkup-Veles, ku u kap nga zyrtarët e policisë pranë vlagjes Nova Kolonija. Kur policët, të cilët ishin në një automjet zyrtar Mazda, u përpoqën të tejkalonin Range Rover-in, shoferi i Range Rover-it e goditi dy herë automjetin e policisë.
Një polic qëlloi me armë zjarri në ajër, por Range Rover nuk u ndal, por vazhdoi të lëvizte dhe doli nga rruga pranë Nova Kolonija. Në automjet u gjetën pesë telefona celularë, para dhe çelësa nga disa automjete, ndërsa N.A. dhe A.J. u privuan nga liria dhe, pas dokumentimit të rastit, kundër tyre do të ngrihen akuza përkatëse.