Përmes një konference për media, Besarta Alija nga Bashkimi Demokratik për Integrim ka shpalosu një skandal të Komunës së Çairit që përmes pagesave paushallë i jep rroga 600 personave pa kriter, transmeton Portalb.mk.
“”600 persona marrin drejtpërdrejtë paushalle mujore nga paratë e qytetarëve, vetëm për të shtyrë agjendën partiake të Izet Mexhitit”, deklaroi Alija, duke hedhur dyshime se me paratë e buxhetit të komunës po bëhet fushatë.
BDI-ja vlerësoi se ky sandal është një vjedhje e drejtpërdrejtë e parave të qytetarëve.
“Thirrje që Komisioni Shtetëror për Parandalimin e Korrupsionit dhe Prokuroria të hapin urgjentisht procedurë dhe të hetojnë se ku përfundojnë mes 300.000 dhe 500.000 euro çdo muaj”, bëjnë thirrje nga BDI-ja.
Ata kanë publikuar edhe dokumente si në këto kontrata të dyshimta janë të përfshirë edhe shkollat si “Liria”, “Imri Elezi”, “Haan Prishtina”, “Tefejjuz” dhe kopshti “Fidani”.