Gjatë kullotjes së lopëve, një burrë nga Prilepi është sulmuar nga një ari dhe ka pësuar lëndime të rënda, kështu që është shtruar në spitalin e Velesit, transmeton SDK.
Ngjarja ka ndodhur më 7 prill dhe personi një ditë më vonë është sjellë në spitalin e Velesit pasi ka ndier vështirësi nga lëndimet e marra.
“Në qendrën urgjente është sjellë një person i cili ankohet për lëndime në këmbë pasi është sulmuar nga një ari. Pas kontrolleve dhe regjistrimeve është konstatuar frakturë e pjesës së poshtme të këmbës së majtë, si dhe lëndime të tjera fizike. Më pas ai u transferua në neurologji, ku iu dha kujdesi i nevojshëm. I lënduari tani ndodhet në repartin e ortopedisë”, njoftojnë nga Spitali i Përgjithshëm i Velesit.
Ngjarja është konfirmuar edhe nga policia e Velesit.
“Me datë 8 prill në ora 21:30 në spitalin e Velesit, C.S. (60 vjeç) nga fshati Drenovc, rajoni i Prilepit, në SPB Veles ka lajmëruar se duke kullotur lopët në malin Mukos, në fshatin Omoran të komunës së Çashkës, është sulmuar dhe kafshuar nga një ari, i cili ka ikur nga qentë e tij”, informoi Biljana Gagovska, zëdhënëse e SPB Veles.