Vasilevski dhe Zikov drejtorët e ri në MEPSO
Sasho Vasilevski dhe Lupço Zikov janë zgjedhur si drejtor të MEPSO, njoftoi portali MKD.mk, përcjell Portalb.mk.
Si drejtor i MEPSO-s është Vasilevski kurse Zikov do të kryejë funksionin e drejtorit për financa në këtë ndërmarrje.
Sasho Vasilevski ka qenë zëvendësministër i Ministrisë së Drejtësisë në periudhën e viteve 2006-2008. Ai ka punuar si avokat në Resen kurse gjatë viteve 2011-2015 ka qenë anëtar i Këshillit të Prokurorëve Publik.
Lupço Zikov është gazetar dhe drejtor i javores “Kapital”. Ka qenë kryetar i partisë Aleanca për Maqedoni Pozitive e themeluar bashkërisht me Minço Jordanov dhe Vllado Buçkovski para zgjedhjeve të 2014-s.
Paraprakish, Qeveria e Maqedonisë emëroi drejtor të ri në NP Pyjet e Maqedonisë, Zoran Gjorgjiev kurse profesori në fakultetin e Elektroteknikës në Universitetin “Goce Delçev”, Dragan Minovski në pozitën e drejtorit të Shoqatës Aksionare ELEM.
