Askush nuk di se kur do të përfundojnë punimet në Teatrin shqiptar?!
Teatri shqiptar në Shkup ende nuk është afër përfundimit të renovimit të tij, i cili duhej të jetë gati para vitit të ri 2016.
Afati i përfundimit të punimeve u shty disa herë për arsye të ndryshme.
Tani për momentin nuk është duke u punuar, këtë gjë e vërtetoi edhe gazetari i Portalb i cili ishte në vendngjarje dhe shikoi se në çfarë gjendje ndodhet ky objekt tani.
Shitësit për rreth teatrit thonë se punimet nuk bëhen rregullisht.
“Ne jemi këtu gjithmonë dhe shohim. Nuk punohet tërë kohën, nuk e di, ndonjëherë shikojmë e ndonjëherë jo punëtor”, thonë tregtarët.
Nga ana tjetër nga Ministria e Kulturës thonë për Portalb, se është duke u punuar në rikonstruimin e teatrit por nuk japin datë se kurë ato do të përfundojnë.
“Për momentin mund të mos jetë duke u punuar shkaku i kushteve atmosferike, mirëpo punimet janë duke u zhvilluar ashtu siç kanë qenë të planifikuara. Datë të saktë nuk mund të japim sepse po punohet në pjesën e jashtme të objektit dhe këtu ndikon shumë faktori atmosferik”, thonë nga zyra për informim në Ministrinë e Kulturës.
Ndryshe, TV Alsat-M kohë më parë publikoi lajmin për dështimin e punimeve për shkak të falimentimit të firmës italiane e cila kishte fituar tenderin për rindërtimin e këtij objekti kulturor shqiptar.
Kurse të njejtat drejtori i Teatrit, Adem Karaga i mohoi, duke thënë se nuk është e vërtetë që projekti për renovim ka dështuar, dhe se punimet po vazhdojnë.
LEXO MË SHUMË :
Sërish shtyhet afati i përfundimit të Teatrit Shqiptar
Shtyhet data e përfundimit të rikonstruktimit të Teatrit Kombëtar Shqiptar
Mjetet financiare për teatrin shqiptarë, si pikë uji në det!
Shkup, vetëm 8 milionë euro për rikonstruimin e Teatrit Kombëtar Shqiptar
