“Shefi i kabinetit të sekretarit i ka marrë 660 mijë denarë nga Ministria e Kulturës”, ja çfarë thotë Aziri

Sekretari shtetëror në Ministrinë e Kulturës, Valmir Aziri, pasi gazeta Koha nxori një shkrim se “shefi i kabinetit të tij, Arlind Huseini, i ka marrë 660.000 denarë nga Ministria e Kulturës për të realizuar projekte të caktuara kulturore”, sot ka dalë me reagim duke thënë se “distancohet nga çdo tentim i personave që kanë provuar ose do të provojnë në të ardhmen të keqpërdorin fondet e Ministrisë së Kulturës, nga shoqatat të cilat do të tentojnë që në mënyrë të paligjshme e të pandershme të përfitojnë nga fondet e Ministrisë”.

“Sekretari Aziri, është dhe ka qenë këmbëngulës i përfaqësimit të drejtë të shqiptarëve në ministrinë e kulturës, për ndarjen e drejtë të buxhetit për shqiptarët në Ministrinë e Kulturës, për transparencën e tërë procesit. Ftojmë të gjithë qytetarët që vërejtjet dhe dyshimet t’i dorëzojnë te Ministria e kulturës, çfarëdo që të jenë ato. Transparenca, qasja e barabartë e të gjithë qytetarëve të Republikës së Maqedonisë në buxhetin e Ministrisë së kulturës janë shtyllat e veprimtarisë së sekretarit Aziri doemos në konkurse dhe në ndarjen e drejtë të buxhetit”, thuhet në letrën e Azirit.

Sekretari Aziri, thuhet në reagim, është “pro qasjes së hapur të të dhënave në mënyrë që opinioni dhe mediat të kenë pasqyrë konkrete mbi punën e ministrisë”.

“Sekretari Aziri, është i interesuar që i gjithë procesi të kalojë në mënyrën më transparente dhe ka insistuar që buxheti i Ministrisë të jetë sa më transparent. Ne mendojmë që të gjitha këto tendenca janë qëllim këqija, që kanë për qëllim njollosjen e kulturës shqiptare dhe të artistëve shqiptarë. Përfundimisht, shqiptarët mes tjerash për herë të parë kanë buxhet 700 milionë denarë. Madje, për herë të parë në Republikën e Maqedonisë është formuar Ansambli shtetëror i këngëve dhe valleve shqiptare dhe përmbyllja e punimeve të teatrove. Gjatë 2018-shit do të përfundojnë edhe disa projekte të cilat veç më kanë filluar dhe disa të tjera do të iniciohen. Ky është viti i kulturës shqiptare andaj duhet të çmohet veprimtaria e implementatorëve të projekteve”, thotë Aziri.

Skandal: Shoqata “Art” ka fituar 40.000 euro nga Ministria e Kulturës, por nuk ka hapësira pune (VIDEO)

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP