MPB njoftoi se VMRO-DPMNE-ja çdo ditë do të bllokojë vendkalime kufitare

F. C. 15:06, 20-12-2017

Ministria e Punëve të Brendshme sot njoftoi se kanë marrë njoftim nga partia VMRO-DPMNE se do të bllokojnë vendkalimet e Maqedonisë për çdo ditë, njofton Portalb.mk.

Në vendkalimin në Bogorodicë bllokadë sot do të ketë gjatë periudhës kohore prej 16:00-18:00 ora, më 21 dhjetor në vendkalimin Qafë Thanë gjatë periudhës kohore prek 17:00-18:00 ora, më 22 dhjetor bllokadë do të ketë në vendkalimin “Deve Bair” gjatë periudhës kohore 17:00-18:00 ora dhe më 24 dhjetor sërish në vendkalimin Bogorodicë gjatë periudhës kohore prej 16:00-18:00 ora.

LEXO: Simpatizues të VMRO-DPMNE-së nxitën incident në “Tabanovc” (VIDEO)

Përndryshe, dje mbështetësit e VMRO DPMNE-së janë përplasur me policinë në vendkalimin kufitar në Tabanoc pasi forcat e rendit nuk lejuan protestuesit të bllokojnë autostradën dhe kalimin kufitar.

LEXO: Ministri Spasovski e vizitoi policin e lënduar në spitalin e Kumanovës

Nga përleshja e djeshme i lënduar doli edhe një polic, të cilin mbrëmë e vizitoi ministri i Punëve të Brendshme, Oliver Spasovski dhe shefi i SPB-së të Kumanovës, Stojanço Veliçkoviq mbrëmë në ISHP Spitali i Përgjithshëm Kumanovë. Nga MPB deklaruan se në incident është arrestuar një person për sulm të efektivit policor.

LEXO: Paraburgimet për 27-prillin, VMRO-DPMNE-ja zgjeron bojkotin e saj

Nga ana tjetër deputetët e VMRO-DPMNE-së ka dy javë që kanë filluar të bojkotojnë punën e Kuvendit të Maqedonisë, duke mos marrë pjesë në debatet plenare dhe në diskutimet e Komisioneve Kuvendore. Partia opozitare maqedonase, bojkotin e saj e ka shtirë edhe në këshilla komunal. Krahas Kuvendit dhe Këshillave Komunal, në shenjë revolte VMRO-DPMNE-ja ka shprehur edhe nëpërmjet protesave, madje dje ajo nisi sërish me bllokimin e rrugëve kryesore të Shkupit.