Sela: ASH ka dy deputetë, njëri ka kaluar në BDI (VIDEO)

Lideri i Aleancës për Shqiptarët, Ziadin Sela, pjesë e koalicionit parlamentar “Aleanca për Shqiptarët”, në takim me mërgimtarët shqiptarë në SHBA ka folur edhe për koalicionimin e partisë së tij me Bashkimin Demokratik për Integrim, duke bërë të ditur se tashmë ata, si koalicon kanë dy deputetë sepse njëri ka kaluar në Bashkimin Demokratik për Integrim, raporton Portalb.mk.

Meqë Aleanca për Shqiptarët si deputetë të saj kishte Ziadin Selën, Surija Rushidin dhe Vesel Memedi, siç mund të kuptohet, deputeti që ka shkuar në BDI është ky i fundit.

“Fillimisht unë nuk kam pasur koalicion me BDI-në as para 27-prillit. Pas 27-prillit është formuar qeveria. Unë nuk kam bërë koalicion me BDI-në por kemi bërë shumicë të re parlamentare për ta rrëzuar një regjim që ishte në krye me VMRO-DPMNE-në. Pa marrë parasysh ofertave dhe joshjeve që mi ka ofruar mua ai regjim që i keni dëgjuar në mjetet e informimit edhe për shumat e parave. Nuk kam pranuar ofertat sepse jam në politikë për të përfaqësuar popullin e jo për të fituar. Kurrë nuk kam bërë koalicion me BDI-në, por problemi ishte se nuk mund të bëhet shumicë parlamnetare. Ne i kemi pasur 3 deputetë, tash në fakt i kemi dy se njëri ka lëvizur në BDI”, tha Sela.

Portalb.mk kontaktoi Vesel Memedin në lidhje me atë se “A ka kaluar në BDI?” por i njëjti nuk  u përgjigj as në telefonatën, e as në mesazhin e dërguar.

Ai ka dërguar kritika edhe ndaj liderit të Lidhjes Social Demokrate të Maqedonisë (LSDM), Zoran Zaev për siç thotë ai, sepse po lufton vetëm kriminelët në pjesën sllave.

“Zaevi gojën plot e ka për reforma në drejtësi, asgjë nuk po bën. Po lufton vetëm kriminelët në pjesën sllave, e jo në pjesën shqiptare. Edhe ne kemi fëmijë, ata kriminelë shqiptarë po sulmojnë fëmijët tanë në lagjet tona. Kështu nuk reformohet Maqedonia”, tha Sela.

Sela gjithashtu ka folur edhe për atë se u harrua Platforma Shqiptare dhe për të njëjtën fajësoi Lëvizjen BESA dhe PDSH.

“Tryeza erdhi si ide dhe vendi i vetëm ku do të përfaqësohen të gjithë shqiptarët, pa marrë parasysh rivalitetin tonë si parti politike. Kjo tryezë e partive politike do të ketë mundësi të sjellë edhe deklarata tjera, vendime tjera që do të jenë të njëzëshme për qytetarët shqiptarë për të bërë presion ndaj bllokut shqiptar. Nuk mund të them se jam i kënaqur nga mënyra e funksionimit të kësaj tryeze, sepse ajo fillimisht u refuzua nga Lëvizja BESA dhe e dyta, u humb serioziteti sepse u ftuan liderë të cilët nuk kanë pasur përfaqësues të shqiptarëve”, tha Sela.

One thought on “Sela: ASH ka dy deputetë, njëri ka kaluar në BDI (VIDEO)

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP