SHBA-ja dhe Rusia “luftë të ftohtë” nëpërmjet Maqedonisë? Ja çfarë thotë Bejli (FOTO)

Pas replikave të djeshme ndërmjet Ambasadës së SHBA-së dhe Rusisë në rrjetin social tuiter, reagoi edhe ambasadori i SHBA-së në Maqedoni, Xhes Bejli, njofton Portalb.mk.

Diskutimin në lidhje me propozimin që Ambasada e Rusisë ia dha asaj të SHBA-së, publiku i Maqedonisë por edhe më gjerë e quajtën “luftë të ftohtë”.

Në lidhje me këtë, ambasadori Bejli ka reaguar duke thënë se nuk bëhet fjalë për luftë tuiteri apo e ftohtë siç e quajtën publiku.

“Nuk bëhet fjalë për luftë tuiteri. I pyetëm qytetarët e Maqedonisë për masa urgjente për ajër të pastër. Edhe një përpjekje e një Rusisë nuk do ta arrijë atë. SHBA e përkrah Maqedoninë në përpjekjet e saja për funizim me gaz në qytetet e Maqedonisë duke krahasuar atë çfarë bëhet në Maqedoni dhe Evropë”, tha Bejli

Përndryshe, të gjitha këto debate u bënë pasi që Ambasada e SHBA-së kërkoi ide për ndotjen e ajrit në Shkup.

Ambasada e SHBA-së, në kontekst të ndotjes së lartë të ajrit të kryeqytetit, në rrjetet sociale i ka pyetur qytetarët se “çfarë propozoni që të ketë ajër më të pastër në Maqedoni?”, ndërkaq me postimin kishte të bashkëngjitur një fotografi me mjegull të dendur.

Ndaj kësaj, Ambasada e Rusisë në Maqedoni, në postimin e saj është përgjigjur se “pasi që miqtë tanë nga Ambasada e SHBA-së kërkojnë ide për ndotjen e ajrit në Shkup, do të kishim dashur t’u propozojmë zgjidhjen (kanë publikuar skicë nga gazsjellësi i planifikuar) “rrjedha turke”, e cila sipas planifikimeve duhet të kalojë nëpër Maqedoni.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP