Qeveria franceze vlerëson se 2,025 vdekje iu shtuan statistikave të zakonshme gjatë valës së të nxehtit të qershorit në vend, tha të premten Ministri i Shëndetësisë, transmeton Euronews.
Duke folur për rrjetin televiziv privat TF1, Stephanie Rist tha se nxehtësia ekstreme është përgjegjëse për mijëra humbje jete dhe ky numër është vetëm i përkohshëm.
Numri mund të rritet, tha ministri francez, duke thënë se brenda tre javësh do të ketë një numër përfundimtar.
Ajo theksoi se shumica e të vdekurve ishin të moshës 45 vjeç e lart dhe se kishte një rritje prej 91% të vdekjeve në shtëpi në periudhën 25-28 qershor krahasuar me një javë më parë.
2,025 vdekjet shtesë përfaqësojnë rreth 60% të vdekjeve që janë deklaruar elektronikisht, shpjegoi Rist në televizionin francez, që do të thotë se numri i vërtetë mund të jetë dukshëm më i lartë pasi jo të gjitha certifikatat e vdekjes në letër janë numëruar.
Vetëm pesë ditë më parë, numri i të vdekurve nga Parisi ishte 1,000.
Rist tha gjithashtu se qeveria franceze po ofron 100 milionë euro për blerjen e kondicionerëve nga spitalet dhe klinikat, deri në numrin prej 30,000 njësive të kondicionimit.