RMV, nxënësit e shkollave fillore dhe të mesme deri të mërkurën mund të aplikojnë në konkursin e DAP-it

Drejtoria për të Ardhura Publike (DAP) ka organizuar Konkurs për nxënësit e shkollave fillore dhe të mesme me titull “Taksa jote, ardhmëria jote”. Në të dy kategoritë do të zgjedhën tre vendet e para, transmeton Portalb.mk.

“Nxënësit, individualisht ose në ekipe, nën kujdesin e një mësuesi, duhet të krijojnë një video të shkurtër, animacion ose krijim digjital me ndihmën e inteligjencës artificiale (IA), përmes të cilit do të tregojnë rëndësinë e taksave dhe rolin e tyre në ndërtimin e një shoqërie më të mirë”, njoftoi DAP-i.

Aplikimi është i hapur deri më 25 nëntor në ora 23:59, ashtu që aplikimi duhet të bëhet përmes adresës konkurs@ujp.gov.mk me titull “Konkurs – Taksa jote, ardhmëria jote”.

Konkursi i tillë organizohet në kuadër të shënimit të Ditës së Taksave.

Drejtoria për të Ardhura (hyra) Publike RMV (DAP)E-TatimeNxënës të shkollave fillore - filloristëNxënës të shkollave të mesmeShkolla filloreShkolla të mesmeTaksaTaksa ekologjikeTatim në pronëTatim personal