Pas ekspeditës ndërkombëtare që u zhvillua ditët e fundit në shpellën “Vrello” në kuadër të kanionit Matkë, presidentja Gordana Siljanovska – Davkova ka pritur anëtarët pjesëmarrësit në zbulimin e fundit, transmeton Portalb.mk.
“E informuan për rrjedhën e ekspeditës dhe suksesin historik me të cilin shpella Vrello në kanionin Matka, me një thellësi të eksploruar prej 338 metrash, u bë shpella më e thellë nënujore në botë e eksploruar nga njeriu”, raportoi Presidenca e Maqedonisë së Veriut.
Presidentja priti anëtarët e Klubit Speleologjik të Zhytjes “Vrello”, të cilët e njoftuan për zbulimin e dy kanaleve dhe mbi 150 korridoreve të reja.