Para qindra nxënsve të shkollave të mesme nga më shumë vende të ndryshme, Fondacioni Metamorfozis dje përmes ligjëratave për lajme të rreme dhe dezinformata mori pjesë në festivalin e filmit për të rinj “Xhifoni Maqedoni”, transmeton Portalb.mk.
Zëvendësredaktorja e Meta.mk, Mari Jordanovska dhe Despina Kovaçevska, specialiste për monitorimin e mediave në Fondacionin Metamorfozis, dje kanë prezantuar para të rinjve një sërë shembujsh të mënyrave të përhapjes së lajmeve të rreme dhe dezinformatave, veçanërisht në Ballkanin Perëndimor. Zhvillimi i teknologjive të reja, thanë folësit, ka anët e mira dhe të këqija. E gjithë kjo mund të kontribuojë që audienca të manipulohet dhe të gënjehet, dhe pasojat e kësaj mund të jenë të mëdha.
“Dëmet nga lajmet e rreme dhe dezinformatat mund të kërcënojnë shëndetin e njeriut, për shembull, nëse blini produkte mjekësore që paraqiten në mënyrë të rreme në internet sikur të jenë të miratuara nga profesionistë mjekësorë, ata mund të zbrazin kartat tuaja ose të prindërve tuaj, nëse paguani në faqet e diskutueshme të internetit që kërkojnë informacionin tuaj personal. Përhapja e dezinformatave mund të ndryshojë perceptimin tuaj në lidhje me zhvillimet sociale dhe politike dhe t’ju bëjë të dyshoni në gjetjet shkencore dhe mjekësore”, thanë folësit në leksionin e tyre për nxënësit e shkollave të mesme.
Ata u mësuan të rinjve se si të mbrohen nga përhapja e lajmeve të rreme dhe dezinformatave – të kontrollojnë besueshmërinë e faqeve të internetit, të verifikojnë nëse një foto e caktuar e shpërndarë në mediat sociale është e montuar, me dyshim për çdo lajm që është shumë i mirë apo shumë i keq, gjegjësisht i paraqitur në mënyrë sensacionale dhe ta verifikojnë nga disa burime.
Nxënësit e shkollave të mesme shprehën interes të madh për temën, kështu që ligjërata u zhvillua në një debat konstruktiv.
Festivali “Xhifonët Maqedoni” u hap më 5 tetor dhe do të zgjasë deri më 10 tetor në Qendrën Kulturore Rinore (QKR). Ky është edicioni i 11-të i këtij festivali filmik, në të cilin marrin pjesë 550 të rinj nga vendi, Kosova, Shqipëria, Bullgaria, Serbia, Italia dhe vende të tjera.
Meta.mk në periudhën e ardhshme do të mbajë edhe dy ngjarje të rëndësishme që do të prekin të rinjtë, por edhe mbarë publikun.
Nesër, 10 tetor, e martë, me fillim nga ora 11:00 do të mbahet webinari “Eko-pikat e nxehta përmes prizmit gazetaresk”.
Në ngjarjen online, profesori Trajçe Stafilov nga Instituti i Kimisë në Fakultetin e Shkencave Natyrore do të flasë se pse pikat e nxehta ekologjike janë të rrezikshme për shëndetin e njeriut dhe mjedisin, si duhet të veprojnë autoritetet kompetente për të zbutur pasojat e dëmshme dhe çfarë masash duhet të merren për t’u ndërmarrë për rehabilitimin e tyre. Kryeredaktori i agjencisë së lajmeve Meta.mk, Bojan Bllazhevski, gazetarja e Meta.mk, Sanja Naumovska dhe gazetari i Portalb.mk, Fisnik Xhelili, në webinar do të ndajnë përvojën e tyre gazetareske të raportimit për çështje të nxehta ekologjike.
Më 19 tetor në “Netaville” Shkup do të mbahet manifestimi “Cyber Shake” – diskutim për të rinjtë me temën “A ju përgjon telefoni?”.
Ngjarja organizohet nga “Metamorfozis” në bashkëpunim me organizatën IESC, dhe me mbështetjen e USAID-it. Organizatorët shpallin “bisedë që provokon mendime” që do të gërmojë më thellë në fushën e përgjimit të telefonave inteligjentë dhe do të hedhë dritë mbi rolet kryesore që luajnë marketingu digjital, mediat sociale dhe influencerët.
Përveç kësaj, agjencia e lajmeve Meta.mk ka shpallur edhe Konkursin për storie të shkurtër horror me rastin e festës “Halloween”. Konkursi botohet për të katërtin vit radhazi dhe ashtu si vitin e kaluar organizohet në bashkëpunim me shtëpinë botuese “Antolog”.
Të gjithë të rinjtë e apasionuar pas horrorit do të kenë mundësi të dorëzojnë punimet e tyre deri më 28 tetor. Tre fituesit do të marrin çmime – kupona për libra.