Autobusët rifilluan qarkullimin, Qyteti i Shkupit ridestinoi 2 milionë euro për pagat e NTP-së
Rreth 2 milionë euro janë ridestinuar nga projektet tjera nga buxheti i Qytetit të Shkupit për pagat në NTP “Shkup”. Në seancën e sotme të jashtëzakonshme, Këshilli i Qytetit miratoi vendim që të ridestinohen 133 milionë denarë që të munden të paguhen të punësuarit. Pas kësaj, autobusët e transportit publik filluan që të qarkullojnë nëpër qytet, pasi që prej mëngjesit nuk kanë dalë prej garazheve, njofton Portalb.mk.
Nga NTP “Shkup” konfirmuan se autobusët pasdite sërish kanë filluar të qarkullojnë në të gjitha linjat, sipas orarit të qarkullimit.
Seanca, për dallim prej dje, kaloi pa përleshje mes përfaqësuesve të VMRO-DPMNE-së dhe kryetares së Shkupit, Danella Arsovska. Të gjithë e pranuan vendimin për ridestinim të mjeteve.
Kryetarja, Danella Arsovska, nga foltorja sot nuk është grindur me këshilltarët, por i ka lutur që të gjithë bashkë të gjejnë mënyrë që t’i ndihmojnë ndërmarrjes.
“Kjo është hera e parë në historinë e Maqedonisë që të dilet në grevë për 5 ditë vonesë të rrogës. Por, Qyteti deri vonë ka punuar dhe gjeti zgjidhje që të sigurohen para për këto njerëz të cilët punojnë çdo ditë. NTP me dekada është humbës dhe askush 30 vite nuk e ka ndryshuar këtë situatë. Të gjithë ata që janë anëtarë të bordeve drejtuese bartin gjithashtu përgjegjësi për këtë situatë. Tani, ju lus që të gjithë të votoni për këtë vendim dhe në të ardhmen bashkë të punojmë për zgjidhje ne problemeve të cilat zvarriten me vite”, tha Arsovska.
Përndryshe, tabelat me informacion për oraret në stacionet e autobusëve sot kanë lajmëruar ardhjen e autobusëve të NQP-së të cilët sot paradite mbetën të parkuar në bazë. Për herë të parë në historinë e tij që kur ka transport publik, kryeqyteti mbeti pa transport publik. Sindikalistët e NQP-së njoftuan se do të vazhdojnë me protestat deri në pagimin e rrogës, ndërsa qytetarët që nuk kanë mundësi të udhëtojnë me makina, në vend të autobusëve nga stacionet e autobusëve largohen me taksi ose në këmbë. Gjatë vizitës në disa nga stacionet më të frekuentuara nëpër Shkup, redaksitë e Meta.mk dhe Portalb.mk takoi shumë qytetarë që pasi nuk arritën t’i kryenin detyrat të zhgënjyer vendosën të kthehen në shtëpi. Megjithatë, disa kanë fatin e të udhëtojnë me ndonjë nga autobusët privat.
- LEXO: Autobusët në grevë: Studentët nuk arritën në ligjërata, qytetarët humbën një ditë pune dhe terminet te mjeku
- LEXO: Sot nuk ka autobusë, Shkupi për herë të parë në histori pa transport publik në mandatin e Arsovskës
- LEXO: Këshilli i Qytetit të Shkupit vendosi në lidhje me kërkesën e punëtorëve të transportit publik në Shkup
- LEXO: Nesër në Shkup nuk do të lëvizin autobusët e transportit publik, vazhdon pakënaqësia e të punësuarve në NQP “Shkup”
- LEXO: Qeveria e Maqedonisë së Veriut deklaroi që nuk ka asnjë borxh ndaj NQP “Shkupi”
- LEXO: Kryetarja e Shkupit Arsovska konsideron se nuk është përgjegjëse nëse Shkupi mbetet pa transport publik, shoferët e NTP-së nesër duan rroga
- LEXO: Arsovska përsëri premtoi që në vitin 2023 do të ketë transport publik falas në Shkup, ndërkohë shoferët paralajmërojnë protesta
- LEXO: Shoferët e presin rrogën më së voni deri nesër, NTP ende shpreson se Qeveria do t’i japë para
- LEXO: Kryetarja e Shkupit Arsovska konsideron se nuk është përgjegjëse nëse Shkupi mbetet pa transport publik, shoferët e NTP-së nesër duan rroga