Sivjet do të zhvillohet mbledhja e dytë ndërmjet Qeverisë së Kosovës dhe Maqedonisë së Veriut, paralajmëroi Kovaçevski
Kryeministri i Maqedonisë së Veriut, Dimitar Kovaçevski, në takimin me Ambasadorin e Kosovës në Maqedoninë e Veriut, Florijan Qehaja, e vlerësoi marrëveshjen e arritur ndërmjet Republikës së Kosovës dhe Serbisë, transmeton Portalb.mk.
“Kryeministri Kovaçevski e përshëndeti marrëveshjen e arritur në lidhje me dokumentet ndërmjet Kosovës dhe Serbisë dhe deklaroi që shteti jonë e mbështet në vazhdim dialogun ndërmjet Beogradit dhe Prishtinës me qëllim normalizimin e marrëdhënieve dhe me këtë garantimin e paqes, stabilitetit, sigurisë së gjithë rajonit”, deklarojnë nga kryeministria.
Përcaktimi drejt zhvillimit të raporteve ndërfqinjësore është i rëndësishëm për zhvillimin e gjithë rajonit, ishte mesazhi i këtij takimi. Ata vlerësuan që përcaktimi i Maqedonisë së Veriut dhe Kosovës në këtë drejtim është i rëndësishëm për zhvillimin e rajonit.
“Në takim u diskutua për rritjen e bashkëpunimit ndërmjet dy shteteve në procedurat për lehtësimet kufitare dhe për disa çështje tjera aktuale, siç është gjendja në energjetikë”, deklarojnë nga kryeministria e Maqedonisë së Veriut.
Ata paralajmëruan që sivjet do të zhvillohet mbledhja e dytë ndërmjet Qeverisë së Kosovës dhe Maqedonisë së Veriut.
Ndryshe, më 17 shtator të vitit 2022 kryeministrat e Maqedonisë së Veriut dhe Kosovës, Zoran Zaev dhe Albin Kurti nënshkruan “Memorandum për Mirëkuptim” në lidhje rrugën e premtuar Tetovë-Prizen, e cila tani e dhjetë vite po premtohet. Portalb.mk, ka siguruar dokumentin origjinal të memorandumit, i cili i përmban 6 nene.
- LEXO: Maqedonia e Veriut planifikon të mos ketë kufij me Kosovën, paralajmëroi ministri Osmani
- LEXO: Ja çfarë nënshkruan Kurti dhe Zaevi në Shkup për rrugën e premtuar Tetovë-Prizren
- LEXO: Maqedonia e Veriut dhe Kosova planifikojnë projekt të përbashkët hekurudhor, do të aplikojnë për 700 mijë euro
- LEXO: Pritje disaorëshe në kufi, me gjithë marrëveshjet e Ballkanit të Hapur
- LEXO: Korsi e posaçme për “Ballkanin e Hapur” në kufirin mes Serbisë dhe Maqedonisë së Veriut
- LEXO: Mbledhje e përbashkët qeveritare ndërmjet Maqedonisë së Veriut dhe Kosovës, paralajmëroi Kurti duke folur për projekte konkrete
