Gjykata administrative vendosi në favor të Euromaks për Ilovicën, Lugina e shëndoshë paralajmëron rebelim
Gjykata Administrative e Shkupit ka vendosur në favor të “Euromaks Risoursiz” (Euromax Resources), koncesionarit të minierave të Ilovica, kërkesa e të cilit për leje për shfrytëzimin e burimeve minerale ishte refuzuar nga Ministria e ekonomisë vitin e kaluar. Me këtë vendim, Gjykata Administrative anulon vendimin e Komisionit qeveritar të shkallës së dytë, i cili në tetor të vitit kaluar e refuzoi ankesën e Euromaks kundër vendimit për refuzimin e kërkesës për leje të eksploatimit, transmeton Portalb.mk.
Gjykata Administrative mori vendim të tillë në 31.03.2020, por deri më tani nuk ka pas asnjë detaj as në ueb faqen e gjykatës ose në publik. Këshill gjyqësor që vendosi për këtë çështje në Gjykatën administrative përbëhej nga: Marta Telegravçiska – kryetare e këshillit, Ramie Cara dhe m-r Gjoko Zhivkovski.
Pasi Euromax dje e lavdëroi publikisht vendimin e gjykatës në faqen e saj, publiku reagoi bujshëm dhe pas presionit të madh, kryetari i gjykatës Burim Sejdini lëshoi sot një komunikatë në të cilë thuhej se gjykata kishte marrë një vendim të tillë dhe se vendimi ishte në dispozicion të publikut.
Gjykata e ka miratuar padinë e Euromaks dhe mori vendim të tillë sepse ka vlerësuar që Komisioni i Shkallës së Dytë së pari është dashur të vendosë për kërkesën nga Euromaks për bashkimin e dy koncesioneve që i ka poseduare më pas të vendosë për kërkesën për leje për shfrytëzimin e burimeve minerale.
Ekologët e Strumicës, që luftojnë kundër hapjes së minierës së bakrit dhe arit Ilovica në rajonin e Strumicës, dje e akuzuan Gjykatën administrative Shkup se po e fsheh aktgjykimin e saj në favor të ish-koncesionarit të minierës, kompanisë kanadeze Euromax Resources, dhe se ishte bëhet fjalë për veprim me prapavijë korruptive.
“Meta.mk” kërkoi mendim nga Ministria e ekonomisë për aktgjykimin gjyqësor, por deri në botimin e tekstit, ende nuk ka arritur ndonjë përgjigje.
Partia politike DOM vlerësojnë se vendimi i qeverisë për ndërprerjen e marrëveshjes së koncesionit për minierën Ilovica ishte një vendim thjesht ligjor dhe ata hapen dyshime se korrupsioni po fshihet në rastin e aktgjykimit të fshehur në favor të kompanisë kanadeze, Euromax Resources.
Ata i bëjnë thirrje Komisionit shtetëror për parandalim të korrupsionit që të veprojë në bazë të informacionit dhe të interesohet nëse pas këtij aktgjykimi kaq skandaloz fshihet korrupsioni dhe kush është i përfshirë në të.
“E kemi kërkuar aktgjykimin në faqen zyrtare të Gjykatës administrative, për të zbuluar në bazë të cilave “argumente” është anuluar një vendim juridikisht i pastër, që ishte baza për heqjen e koncesionit nga ana e Qeverisë, por ne nuk mundëm ta gjenim, kështu që do ta kërkojmë atë sipas detyrës zyrtare, thonë nga DOM.
Euromax, ndërkohë, thotë se ”nuk do të komentojnë procedurat ligjore që janë duke u zhvilluar në sistemin e pavarur gjyqësor të Republikës së Maqedonisë e Veriut.
Ata shtuan se qëllimi i tyre ishte ndërtimi i minierave të bakrit dhe arit dhe të veprojnë me përgjegjësi me kompleksin e minierave Ilovica-Shtuka. Sipas Euromax, ndërtimi i minierave është një “win-win projekt me interes të ndërsjellë dhe në dobi të investitorëve dhe ekonomisë kombëtare dhe qytetarëve të Republikës së Maqedonisë e Veriut”.
“Është koha për rebelim”, thanë aktivistët nga Lugina e shëndoshë në faqen e tyre në Facebook, duke komentuar vendimin e Gjykatës Administrative në favor të koncesionarit, kundër të cilit vendasit kishin luftuar me protesta dhe bllokada vitin e kaluar
“Është koha për masa aktive dhe radikale,” thuhet në reagimin e Luginës së shëndoshë, “duke filluar nga gjyqtarët e korruptuar dhe më pas zyrtarë dhe politikanë.” Ata u bënë thirrje qytetarëve që të përgatiten për rezistencë kundër Euromax dhe mercenarët e tyre.
” Në terren po vlon pakënaqësia dhe revolta midis popullatës lokale,” tha Gjorgji Tanushev, eko-aktivist në Luginën e shëndoshë. “Ne besojmë se vendimi për të ndërprerë marrëveshjen për koncesion për Ilovica ishte i bazuar në ligje në fuqi, por nëse do të kishte me të vërtetë shkelje të procedurës që mund të rrëzonin vendimin e qeverisë, ne vetëm mund të dyshojmë se ajo është bërë me qëllim”, tha ai. Tanushev. Deri më tani, nuk ka njoftime për mitingje protestuese të popullatës lokale në fshatrat Shtuka dhe Ilovica.
