Edhe pse ndodhet në Greqi, Goran Grujovski do të gjykohet në rastin “Arka”
Pas katër muajve të shtyrjeve të seancave të kaluara, sot filloi gjykimi për rastin “Arka”. I akuzuari, ish-shefi i DSK-së, Goran Grujovski do të gjykohet në mungesë, transmeton Portalb.mk.
Në bankën e të akuzuarve janë edhe ish-drejtori i DSK-së, Sasho Mijallkov së bashku me Nebojsha Stajkoviq dhe me ish-shefin e kabinetit të tij, Toni Jakimovskin.
Këshilli gjyqësor, të cilin e udhëheq Xheneta Bektoviq vendosi të mos e presë njoftimin e Ministrisë së Drejtësisë për ekstradimin e Grujovskit.
Në rastin “Arka”, Prokuroria Speciale i akuzon tre ish funksionarë të DSK-së dhe një të MPB-së për shpërdorim të mbi 860 mijë eurove, për furnizimin e pajisjes për përgjim. PSP vlerëson se të dyshuarit kanë shpërdoruar para të shtetit për pasurim personal nëpërmjet disa marrëveshjeve dhe anekseve për furnizimin e pajisjes për spiunim dhe mirëmbajtjen e tyre.
“ARKA”- 4 të dyshuar nga MPB dhe DSK kanë zhvatur 862.045 euro nga buxheti i Maqedonisë (VIDEO)
