fbpx

Buxheti 2018, Sindikata e Pavarur e Policisë kërkoi rritjen e rrogës së policëve

Sindikata e Pavarur e Policisë sot njoftoi se tashmë zyrtarish është marrë në konsideratë kërkesa e tyre për kompensim procentual dhe material të anëtarëve të tyre dhe të punësuarve në të gjitha njësitë policore. Siç bëri të ditur kryetari i kësaj Sindikate, Goce Dellçev, me dorëzimin e dokumenteve të prezentuara sot kërkojnë nga Qeveria e Maqedonisë që të përmirësohet gabimi ku me buxhetin e 2018-s nuk u parapa përfitimi reprezentatimit të 3100 policëve dhe rritjen e rrogës në gjysmën e parë të vitit 2018, raporton Portalb.mk.

“Para dhjetë ditëve na u dërgua dokument për fitim të reprezentacionit të aktivitetit për të gjithë sindikatat e pavarura, përfshirë edhe neve si sindikatë. Kurse dokumentet të cilat janë para nesh janë dokumentet e të gjithë pjesëtarëve të sindikatës për të gjitha të dhënat që anëtarët e sindikatës sonë kanë mbledhur gjatë funksionimit tonë. Ju tregojmë se prej sot hyjmë në hapësirat e Ministrisë për Punë dhe Politikë Sociale dhe të gjitha punët për të cilat kemi reaguar i zgjidhim në interes të punëtorëve dhe nuk do të lejojmë që dikush të luajë me punëtorët”, tha Dellçev.

Ai gjithashtu tha sqaroi se nga “nga buxheti i 2018 ne si sindikatë kërkojmë që të gjithë të punësuarit e policisë të mund të marrin kompensim procentual apo edhe material. Gjithashtu kërkojmë që edhe përqindja e cila parashihej për rritjen e rrogës së të punësuarve të realizohet në gjysmën e parë të 2018-s”, tha Dellçev.

Përndryshe, Sindikata e Pavarur e Policisë në të kaluarën disa herë ka reaguar për parregullsitë dhe padrejtësitë që ju bëhen të punësuarve në sektore të ndryshme të Ministrisë së Punëve të Brendshme.

222

333

Lajme të ngjashme

Leave a Reply

Your email address will not be published. Required fields are marked *

Back to top button