Rrugë në Sofje dhe Shkup do të emërohen me emrat e ish presidentëve të Maqedonisë dhe Bullgarisë, Trajkovski dhe Zhelev

Kryeministrat e Maqedonisë dhe Bullgarisë, Zoran Zaev dhe Bojko Borisov, gjatë takimit të sotëm shprehën gatishmëri që “historinë të mos i ndajnë dy popujt, por t’i bashkojnë”, njofotn Portalb.mk.

Ashtu siç tha Zaev, në konferencën e përbashkët me Borisovin, për atë qëllim të dy kryeministrat do të përkulen përpara shtatores së Car Samoilit në Bullgari, ndërkaq të njëjtën do ta bëjnë edhe kur Borisovi do ta vizitojë Maqedoninë.

Kryeministrat Zaev dhe Borisov, kanë biseduar për përforcimin e marrëdhënieve, në Sofje të emërohet rrugë me emrin e ish presidentit të Maqedonisë Boris Trajkovski, ndërkaq në Shkup të emërohet rrugë me emrin e ish presidentit bullgar, Zhelu Zhelev.