Fotot dhe videot dëshmojnë se policia speciale i ka lëshuar të hyjnë në Kuvend formacionet paraushtarake
Policia “ra prej provimit” dhe këtë e dëshmoi që kur protestuesit vërshuan Kuvendin e Maqedonisë në të cilin ndodheshin gazetarët dhe deputetët, njofton Portalb.mk.
Kjo gjendje është shkaktuar pasi punën e ministrit të Brendshëm, Agim Nuhiu, e ka penguar drejtori i Byrosë për Siguri Publike (BSP), Mitko Çavkov, i cili është kuadër i VMRO-DPMNE-së.
Në disa fotografi dhe video të publikuara, qartë shihet se si përfaqësuesit e njësiteve speciale, nuk kanë reaguar fare ndaj protestuesve të cilët janë përkrahës të VMRO-DPMNE-së.
