“Euro-obligacionet”, ja sa miliona euro ka marrë borxh Maqedonia deri më tani (FOTO)
Këto ditë, në mes të verë, në mes të krizës politike, në mes të protestave të përditshme, në prag të zgjedhjeve, Qeveria njofton se përsëri do të jep euro – obligacione me afat prej 10 viteve me vlerë prej 650 milionë euro. Edhe pse kamata është ende e panjohur, mund të kihet parasysh se ajo do të jetë ndjeshëm më e lartë nga kamata euro-obligacionit paraprak. Kështu, nëse vlera e euro-obligacionit është 650 milionë euro, ndërkaq kamata 7%, për atë do të paguajmë kamatë prej 455 milionë euro, njofton Portalb.
Në fund të vitit 2015, përsëri u dha euro-obligacion, këtë herë me vlerë prej 270 milionë euro (edhe pse plani fillestar ishte që të jetë 500 milionë). Me afat prej 5 vjetëve dhe kamatë prej 4.875%, asaj do t’i paguajmë plot 66% milionë euro kamatë.
Euro-obligacionin më të madh e dhamë në vitin 2014, edhe atë me shumën marramendëse prej 500 milionë euro, për shtatë vjet, me kamatë prej 3.975%. Qeveria atëherë lavdërohej se e ka marrë me kamatë rekorde të ulët. Megjithatë, për atë do të paguajmë 139 milionë euro, transmeton Portalb.
Euro-obligacioni i dytë ishte në vitin 2009, kur në mes të krizës globale ekonomike. Atëherë kemi hyrë në borxh plotë 175 milionë euro, për pesë vjet, me kamatë prej 9.875%. Kemi paguar gjithsej kamatë prej 86 milion euro.
Euro-obligacioni ynë i parë ishte dhënë në vitin 2005, me vlerë prej 150 milionë euro, me kamatë prej 4.625%, në periudhë prej 10 vjetëve. Kësaj i kemi paguar 69 milionë euro kamatë. /Portalb