Kocijançiq: Votimi i qytetarëve në referendum të bëhet pa ndërhyrje nga jashtë
Zëdhënësja e Komisionit Evropian (KE), Maja Kocijançiq sot nga Brukseli ka deklaruar se nga Maqedonia pret që votimi i qytetarëve në referendum të bëhet pa ndërhyrje nga jashtë shtetit, njofton Portalb.mk.
“BE-ja e ka përkrahur marrëveshjen e emrit, tash duhet të ndërmerren edhe hapa të tjerë që marrëveshja të jetë definitive. Referendumi është momenti ku populli mund të shfrytëzojë të drejtën demokratike, ky është moment i rëndësishëm për ata, që të vendosin për ardhmërinë e shtetit, dhe duhet të ju mundësohet, që ta bëjnë pa ndërhyrje nga jashtë”, tha Kocijançiq.
Duke u përgjigjur pyetjes së gazetarëve, se KE-ja i ndihmon Maqedonisë që të luftojë lajmet e rreme nga faktorët e jashtëm për ndërhyrje në fushatë, Kocijançiq njoftoi se shërbimet evropiane i shpërndajnë praktikat më të mira në këtë fushë.
Kocijançiq ka bërë të ditur se organizimi i referendumit është në duart e Maqedonisë, si shtet i pavarur.
Referendumit do të mbahet më 30 shtator, ku qytetarët e Maqedonisë do të përgjigjen në pyetjen: “A jeni për anëtarësim në NATO dhe BE me pranimin e marrëveshjes me Greqinë?”.
Marrëveshjen me Greqinë në gjuhën shqipe mund ta lexoni: KËTU.