LSDM: Nëse është për të ardhme prosperitare, Mickoski ta përkrahë referendumin
Hristian Mickoski në mënyrë deklarative thotë se është për të ardhmen e Maqedonisë, koha është ta dëshmojë atë në vepër dhe t’u bëjë thirrje anëtarëve të VMRO-DPMNE-së të dalin në referendum dhe ta zgjedhin të ardhmen, thuhet në kumtesën e Qendrës për komunikime të LSDM-së.
“Në të kundërtën, Mickoski do të tregojë se gënjen dhe se në tërësi është për izolim, regresion dhe pasiguri.
Mickoski, BE dhe NATO-ja janë e ardhmja jonë. Eja, nëse je për të ardhme prosperitare përkrahe referendumin në të cilin qytetarët do ta kenë fjalën e fundit dhe do të vendosin për të ardhmen e Maqedonisë në BE dhe NATO.
Udhëheqësia e VMRO-DPMNE-së e udhëhequr nga Mickoski ende ka mundësi të bashkohet me subjektet tjera politike të cilat janë për përparim të Maqedonisë dhe për atë nevojitet publikisht dhe pa mëdyshje ta përkrahë referendumin. Në të kundërtën, Mickoski dhe udhëheqësia e VMRO-DPMNE-së mbesin të izoluar dhe të ngujuar në të kaluarën e errët të krimit, korrupsionit dhe mosndëshkimit, të ngujuar në mbrojtjen e kriminelëve të partisë së tyre.
Sjellja antishtetërore e VMRO-DPMNE-së dhe Mickoskit nuk do ta vështirësojë të ardhmen e Maqedonisë.
Më 30 shtator, qytetarët, lirë dhe me dinjitet në referendum do të japin përkrahje për inkuadrim të Maqedonisë në BE dhe NATO, përmes pranimit të Marrëveshjes me Greqinë.
Qytetarët qartë janë të përcaktuar dhe thonë PO për të ardhmen e Maqedonisë”, theksohet në kumtesën e LSDM-së.
