Vjedhje në autostradën Kumanovë-Shkup: Nga një veturë janë vjedhur 73.000 euro (VIDEO)

Një person tridhjetëvjeçar me iniciale I.I. me 12 korrik ka vjedhur një torbë me 73.000 euro nga një veturë në autostradën Kumanovë-Shkup, transmeton Portalb.mk.

Sipas informatave të MPB-së, i dyshuari e ka vërejtur personin në afërsi të pompës së benzinit dhe e ka kuptuar se në ulësen e përparme ka një torbë me para. Kur ai me veturë është nisur nga pompa e benzinës për në Shkup, I.I. e ka ndjekur me veturën e tij nga pas dhe i ka bërë me shenjë që të ndalet gjoja se rrota e djathtë e veturës është e dëmtuar. Pasi ai u ndalur, I.I. e ka ndalur edhe veturën e tij dhe me vrap ka shkuar, ia ka marrë torbën dhe ka ikur në drejtim të panjohur.

Nga Ministria e Punëve të Brendshme nuk treguan se çfarë ka ndodhur me paratë e vjedhura, gjegjësisht se a ia ka kthyer arrestuari I.I. personit që ia ka marrë ose policisë.

Zëdhënësi i MPB-së, Toni Angellovski deklaroi se MPB po merr masa për zbardhjen e plotë të rastit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP