Deputeti Sela dha garancion shtëpinë, arrihet shuma e nevojshme për lirimin e Abdylfetait (FOTO)

Deputeti dhe lideri i Aleancës për Shqiptarët, Ziadin Sela ka dhënë për garancion shtëpinë e tij për heqje të masës së paraburgimit dhe caktimin e masës për siguri të pranisë – garanci të pasurisë së patundshme, për siç njihet në opinion “shpëtimtari i Selës”, Abdylfeta Alimi i cili e shoqëroi Selën pas sulmit që i bënë më 27 prill të 2017-s në Kuvendin e Maqedonisë, transmeton Portalb.mk.

Lajmin e ka bërë të ditur djali i Abdylfeta Alimit, Burimi.

“Tashmë është arritur shuma e kërkuar për garancion, falemnderit kryetar”, ka shkruar Burimi në fejsbuk.

Arsyeja e dhënies së shtëpisë së Selës nën garancion, erdhi pasi që vlera e shtëpisë së Alimit nuk e plotësonte shumën e nevojshme. Pasi që të dy dorëzuan shtëpitë, hapet rruga që Abdylfeta Alimit t’i hiqet masa e paraburgimit.

Pas hyrjes në fuqi të këtij vendimi, Alimit pritet t’i caktohet masa e kujdesit, respektivisht t’i merret dokumentacioni i udhëtimit, t’i merret e drejta për dalje nga shteti, t’i caktohet ndalesë për nxjerrje të dokumentacionit të ri dhe detyrim për paraqitjen në gjykatë njëherë në javë.

Një vjet nga dita e përgjakshme e 27 prillit, si vazhdoi ky tregim i dhunshëm?

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP