Rasti “Monstra”, Zoran Zaev tregon se çfarë është folur ndërmjet Bejtës dhe Azirit

“Nëse gjykata kërkon nga unë që të jem dëshmitar, sigurisht se do ta bëj atë sepse ai është obligim qytetar. Të gjitha materialet, jo vetëm për “Monstrën”, të gjitha që i kam poseduar, përfshirë këtu edhe Zoran Zaevin, Branko Cervenkovskin, Sugarevskin, Shekerinskën, gjithçka është dorëzuar atje”, kështu është përgjigjur sot kryeministri i Maqedonisë dhe lideri i Lidhjes Social Demokrate të Maqedonisë, Zoran Zaev pyetjes se do të dëshmoni për rastin “Monstra” meqë kjo është kërkuar nga famijarët e të akuzuarve, transmeton Portalb.mk.

Duke komentuar edhe deklaratën e ditë më parë të të akuzuarit të rastit “Monstra”, Fejzi Aziri se është zhvilluar bisedë mes këtij të fundit dhe ish kryetarit të Gostivarit, Nevzat Bejta, Zaev ka thënë se biseda ka pasur të bëjë për marrje të subvencionit në vlerë prej 400 eurove nga Aziri.

“Deri tash për shkak të ndjenjës së humbjes së prindërve që kanë humbur fëmijët kam treguar biseda në hapësirat e LSDM-së, ku pamë se si njëri nga të dyshuarit, Aziri, bisedon në telefon me ish kryetarin e Gostivarit, Nevzat Bejtën dhe e lut për 400 euro subvencione në bujqësi, të dhive, ku ka disa stallë. I kanë dëgjuar bisedat të gjithë, dhe në fund tërë ajo është dorëzuar. Zoran Zaev nuk mund të jetë hetues, as prokuror e që do të japë vlerësime apo të ngjashme. Prandaj edhe procesi është duke u zhvilluar nga fillimi sepse kam dëshmuar se aty ka dëshmi bazike”, tha Zaev.

Përndryshe, pas seancës së rastit “Monstra” që u mbajt më 17 prill, vëllai i të akuzuarit Fejzi Aziri, Bejdiu kërkoi që publikisht të publikohet biseda mes vëllait të tij, Fejzi Aziri dhe ish-kryetarit të Komunës së Gostivarit, Nevzat Bejta. Ai shtoi se biseda është private dhe do të ishte qesharake nëse publikohet.

Në lidhje me këtë, Zaev tha sot: “Shpresoj se materiale private nuk do të dalin, dhe deri tash nuk ka ndodhur një gjë e tillë”.

Vëllai i të akuzuarit Fejzi Aziri në “Monstra”: Të publikohet biseda me Nevzat Bejtën

 

2 thoughts on “Rasti “Monstra”, Zoran Zaev tregon se çfarë është folur ndërmjet Bejtës dhe Azirit

  1. ama kjo eshte Fake titull, titull i rrejshem per te rritur numrin e klikimeve.
    Ku tregon Z.Z se cfare eshte folur ndermejt Bejtes dhe Azirit?
    Ne kete tekst Jo.
    ky gjoja lajm i ranguar tek Me te lexuarat sot, pra efekti eshte aty, por me shkelje standardi profesional.
    Portalbit nuk i rri mire se nuk eshte cfaredo portali.

    • Përshëndetje. Nuk është titull i rrejshëm, por tregon se çfarë është folur. Citojmë pjesë nga lajmi: “Aziri, bisedon në telefon me ish kryetarin e Gostivarit, Nevzat Bejtën dhe e lut për 400 euro subvencione në bujqësi, të dhive, ku ka disa stallë”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP