Avokatët e Gruevskit kërkuan përjashtimin e gjykatësve edhe në “Titanik” për shkak deklaratës së Katica Janevës

Avokatët e të akuzuarve në rastin “Titanik” të Prokurorisë Speciale Publike kërkuan përjashtimin e Këshillit Gjyqësor në krye me gjykatësin Osman Shabani. Avokati Elenko Malinkov kërkoi përjashtimin e Këshillit gjyqësor sepse Katica Janeva ka thënë se në bisedat e përgjuara ka edhe gjykatës, transmeton Portalb.mk.

Ai kërkoi përjashtimin edhe të kryetarit të Gjykatës Penale Ivan Xholev si dhe të gjykatësve të Gjykatës së Apelit.

Më parë, avokatët e Gruevskit kanë kërkuar përjashtim të gjykatësve edhe në rastet “Tank” dhe TNT” në arsyetim të njëjtë.

Ndryshe, rasti“Titanik” është rasti i parë që e zbuloi PSP, në këtë rast ish-kryministri Nikolla Gruevski, Gordana Jankullovska, Mile Janakieski, Martin Protugjeri, Kiril Bozhinovski dhe 16 të tjerë  janë të dyshuar nga PSP për bashkëpunim kriminal, shkelje të së drejtës së votës, shkelje të lirisë së përcaktimit të votuesve, ryshfet gjatë zgjedhjeve dhe votimit, asgjësimin e materialit zgjedhor dhe keqpërdorimin e mjeteve për financimin e fushatës zgjedhore në vitin 2012.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP