KH: Nuk janë shkelur ligjet gjatë arrestimit të deputetëve

Komiteti i Helsinkit për të drejtat e njeriut nuk ka konstatuar shkelje të procedurave sipas Kushtetutës dhe ligjeve, në lidhje me arrestimin dhe paraburgimin e gjashtë deputetëve të dyshuar për dhunën në Kuvendin e Maqedonisë më 27 prill të vitit të kaluar, njofton Portalb.mk.

Kjo, ashtu siç informojnë nga KH, është konstatuar pas zbatimit të procedurës për ankesën e dorëzuar nga deputetët e partisë opozitare VMRO-DPMNE për arrestimin dhe paraburgimin e kolegëve të tyre.

“Në pajtueshmëri me kompetencat, KH është drejtuar deri te Ministria e Punëve të Brendshme, Prokuroria Themelore Publike për Ndjekjen e Krimit të Organizuar dhe Korrupsionit dhe Gjykatës Themelore Shkupi 1. Në lidhje me procedurën për shqiptimin e masës së paraburgimit për grupin e deputetëve – dorëzues të ankesës, Komiteti ka konstatuar se procedura e cila rregullohet me Kushtetutën e Maqedonisë, me Rregulloren e Kuvendit dhe ligjit për procedurë penale në lidhje me shqiptimin e masës së paraburgimit dhe marrjen e imunitetit të deputetëve është respektuar nga ana e institucioneve kompetente”, qëndron në kumtesë.

Nga atje theksojnë se Komiteti nuk ka mundur “të konstatojë nëse deputetëve në mënyrë të pabazë u janë vendosur prangat me qëllim që ata të nënvlerësohen dhe poshtërohen”.

Arrestimi i deputetëve për 27-prillin, kryetari i Gjykatës: nuk është i jashtëligjshëm

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP