Teodorakis: Kemi humbur 25 vite me kontest me një vend që mund të jetë aleat besnik

Kryetari i partisë liberale dhe social-demokrate greke “Potami”, Stavros Teodorakis dje pas protestës antimaqedonase në Selanik, në profilin e tij në “Facebook” e dënoi nacionalizmin grek, transmeton Portalb.mk.

Në postin e titulluar “Pse nuk jam në protestën në Selanik”, ai tha se Greqia humb tashmë 25 vite me mbajtjen e atmosferës luftarake ndaj një vendi të vogël që mund të jetë aleati i saj besnik.

“Sepse nuk shoh dallim të lartë mes “ish-Republikës Jugosllave të Maqedonisë” –emër që të gjithë e pranojmë- dhe Maqedonia e Re ose Maqedonia Veriore dhe e Sipërme. Sepse në çështjen “maqedonase” si në çështjen “qiprase” pasiviteti dhe shtyrja janë në dëm të Greqisë dhe helenizimit. Sepse nuk jam i lidhur me asgjë politike dhe estetike me ato që thonë se jemi nën okupim dhe flasin për kundërshtarë, antihelenë. Sepse veprimi i tillë çon në terror politik. Sepse çdo herë kur një shtet i Kombeve të Bashkuara e pranon “Republikën e Maqedonisë”, diplomacia greke dobësohet. Sepse nuk dua që vendi fqinj të shkatërrohet – dua ta parandaloj “dhuratën myslimane të turqve” dhe Shqipërinë e Madhe”, theksoi Teodorakis në “Facebook”.

Ai theksoi se nuk dëshiron që fëmijët e vendit fqinj të rriten me urrejtje ndaj Greqisë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP