Takimi Nimic-Dimitrov në Bruksel, nuk pritet propozim i ri për emrin e Maqedonisë

Takimi ndërmjet ndërmjetësuesit të çështjes së emrit Maqedoni-Greqi, Metju Nimic dhe ministrit të Jashtëm të Maqedonisë, Nikolla Dimitrov që do të mbahet më 11 dhjetor nuk pritet të sjellë propozim të ri për emrin e Maqedonisë, kështu vlerësoi Dimitrov sonte në emisionin “Top Tema”, njofton Portalb.mk.

Nikolla Dimitrov

Nikolla Dimitrov

“Takimi i parë pas një kohe të gjatë nga Nimic do të shfrytëzohet që të merren shenja nga të dyja palët dhe se në atë takim nuk do të ketë propozim, por do të shohim”, tha Dimitrov.

Dimitrov njoftoi se në Bruksel, ai do të shoqërohet me negociatorin i deritashëm në çështjen e emrit, Vasko Naumovski dhe nga një diplomat i lartë, emrin e të cilit nuk deshi ta bëjë publike.

Ministri i MPJ-së së Maqedonisë, Nikolla Dimitrov nuk bëri të ditur as vijën e kuqe se deri ku mund të shkojë Maqedonia gjatë bisedimeve për emrin me Greqinë.

“Nëse i shprehim vijat e kuqe, haptazi ju tregojmë grekëve se deri ku ne mund të shkojmë a qëllimi është të ruajmë interesat shtetërore dhe të arrijmë zgjidhje. Rëndë mund të zgjidhen problemet nëse dërgohen porosi nëpërmjet opinionit”, tha Dimitrov.

Ai komentoi edhe sheshin e Shkupit, rezultatin e “Shkupi 2014” me çka vlerësoi se: ”Identiteti ynë nuk mbrohen me sheshin e Shkupit, por me politikë evropiane. Si do të bindim dikë nëse e shkelmojmë”, tha Dimitrov.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP