Xhaferi-Sera: Maqedonia do ta përkrah Spanjën në rruajtjen e sovranitetit shtetëror

Kryetari i Kuvendit të Maqedonisë, Talat Xhaferi në takim me ambasadorin e ri të Mbretërisë së Spanjës në Maqedoni, Emilio Lorenco Sera ka shprehur përkrahje ndaj Spanjës për rruajtjen e integritetit të saj territorial dhe sovran, njofton Portalb.mk.

“Sa i takon ngjarjeve aktuale në Spanjë, Qeveria e Maqedonisë do të japë përkrahje të plotë për Qeverinë e Mbretërisë së Spanjës për ruajtjen e integritetit të saj territorial dhe sovran, nëpërmjet respektimit të Kushtetutës dhe ligjeve. Shpreh bindjen se Qeveria e Mbretërisë së Spanjës do të arrijë ta sigurojë rendin kushtetues në mënyrë demokratike, rend me të cilin do të garantohen liritë dhe të drejtat e të gjithë qytetarëve”, tha Xhaferi, shkruan ndër të tjerash në kumtesën e Kuvendit të Maqedonisë.

Në takim ambasadori Sera shprehu përkrahjen e Spanjës ndaj Maqedonisë në rrugën euro-atlantike.

“Spanja do të vazhdojë me përkrahjen e Republikës së Maqedonisë për anëtarësim në NATO dhe në BE, për arsye se anëtarësimi i saj do të kontribuojë për stabilitetin e gjithë rajonit dhe këtë do ta bëjë në mënyrë më intensive gjatë kryesive të ardhshme me Këshillin e BE në vitin 2018 dhe 2019, emërues i përbashkët i të cilës mes prioriteteve tjera, do të jetë edhe zgjerimi i BE me vendet e Ballkanit Perëndimor”, tha Sera duke përshëndetur “proceset reformuese në vend dhe ndërtimin e marrëdhënieve të mira fqinjësore”.

Xhaferi dhe Sera konstatuan intensitet të pamjaftueshëm të takimeve në nivel të lartë dhe u obliguan ta shfrytëzojnë momentin kur që të dy janë të porsazgjedhur në këto funksione, personalisht të kontribuojnë për intensifikimin e komunikimit.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI MOBIL