Gashi: Për NATO-n dhe BE-në edhe ne hyjmë në Qeveri

Deputeti i Lëvizjes Besa, Afrim Gashi duke komentuar mundësinë që edhe BESA të bëhet pjesë e përbërjes qeveritare të Maqedonisë, ka vlerësuar se për zgjidhjen e çështjes së emrit dhe perspektives euro-atlantike të Maqedonisë nuk përjashtohet mundësia që edhe BESA të bëhet pjesë e pushtetit qendror, njofton Portalb.mk.

“Ju e dini se kur ishim në negociata, sa kanë zgjatur negociatat, ishte vështirë për të hyrë apo për të mos hyrë. E njëjta situatë është tash, të gjitha mundësitë janë të hapura. Po them të shihen se cila është situata e re, ka ndonjë moment të ri apo jo.  Nëse është e vjetër ne vazhdojmë me pozicionin tonë aty ku kemi qenë , por nëse ka ndonjë moment të ri qoftë edhe nga faktori ndërkombëtar, në ndonjë incativë për zgjidhjen e problemit të emrit dhe nëse kërkohet ndihma e Lëvizjes Besa, atëher jemi këtu për t’i ndihmuar vendit për në Nato dhe BE”, tha Gashi para Kuvendit të Maqedonisë.