Edhe 60 persona tjerë kanë kërkuar ndihmë mjekësore në Gostivar
Ministria e Shëndetësisë njofton se edhe 60 persona tjerë në Gostivar kanë kërkuar ndihmë mjekësore me të njëjtat simptoma- diarre dhe lodhje, përcjell Portalb.mk.
“Nga masat epidemiologjike dhe masat tjera të zbatuara, mund të konstatohet se nuk ndërlidhet me konsumimin e ushqimit nga objekti i njëjtë.
Nga Qendra për Shëndet Publik dhe ISHSSH janë në terren dhe e ndjekin situatën. Përpunimi i të dhënave është duke u zhvilluar, pas së cilës institucionet kompetente do të dalin me deklaratë për shtyp. Nga të dhënat dhe informatat që do të merren nga QSHP-ja rajonale , nëse është e nevojshme, ISHSSH do të nxjerrë vendim me masa konkrete”, thuhet në kumtesë.
Ndryshe, mbi një mijë persona me temperaturë të rritur, plogështi dhe shtrëngime barku në katër ditët e fundit kanë kërkuar ndihmë mjekësore në repartin infektiv të Spitalit të Përgjithshëm ” Ferid Murad” në Gostivar
