Në UT u prezantuan Programet Erasmus Plus dhe Europas

Në Universitetin e Tetovës, para stafit akademik dhe studentëve, përfaqësuesi i Programeve Edukuese Evropiane sot i prezantoi programet Erasmus Plus dhe Europas, njofton Portalb.mk.

“Universiteti ynë këtë vit akademik në kadër të këtyre programeve, gjegjësisht në mobilitet i ka të angazhuar gjithsej 10 studentë, të cilët studimet e tyre i ndjekin në universitete të ndryshme  europiane, si dhe një praktikante në Universitetin e Barcelonës. Ajo, po ashtu u bëri thirrje studentëve që të aplikojnë në këto programe të cilat i ofron Komisioni Evropian në mbështetje të të gjithë studentëve.” tha hordinatorja e programit Erasmus Plus nga Universiteti i Tetovës, Shpresa Ademi.

Përfaqësuesi i Agjencisë Kombëtare për Mobilitet, Goce Veliçkovski, njëherit edhe përfaqësuesi i Programeve Edukuese Evropiane, theksoi se këto programe në Maqedoni kanë filluar të zbatohen që nga janari i vitit 2014, dhe tani më vite me radhë Republika e Maqedonisë është plotësisht pjesëmarrëse në këto programe, përmes Agjencisë Kombëtare për Programe dhe Mobilitet Arsimor Evropian.

“Erasmus Plus është një program drejtues i Komisionit Evropian, i fokusuar në trajnimin e të rinjve për arsim, Agjencia kombëtare e zbaton atë në nivel kombëtar dhe të gjitha veprimet janë në dispozicion për profesorët, studentët, mësuesit, nxënësit,  punëtorët e rinj, si dhe personat e tjerë të interesuar”, tha Goce Veliçkovski.

Për programet Erasmus Plus dhe Europas shprehën interesim të madh studentët nga të gjithë fakultetet e Universitetit të Tetovës.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP