Kombëtarja e qetë drejt Strumicës

Kombëtarja Shqiptare niset drejt qytetit të Strumicës ku të Martën në orën 20:45 do të luajë ndeshjen eliminatore kundër Maqedonisë.

Skuadra dhe stafi kuqezi u larguan nga hoteli i Shkupit rreth orës 10 të paraditës së sotme dhe pas rreth 90 minutash do të akomodohen në qytezën kufitare me Bullgarinë ku do të zhvillojnë edhe seancën e fundit përgatitore nën drejtimin e trajnerit Christian Panucci, njofton Supersport.al.

Nata në Shkup kaloi e qetë ku Shqipëria u akomodua pas një udhëtimi që nisi nga Elbasani. Në dalje të hotelit, lojtarët u ndalën për disa momente për të bërë edhe disa foto me tifozë të ndryshëm që kishin mbërritur për të përcjellë ekipin. Ajo që ra në sy ishte prania e forcave të sigurisë që monitoronin në çdo moment lëvizjet e lojtarëve për t’u siguruar që gjithçka të kalonte e qetë.

Në Strumicë, në orën 18:30 trajneri Panucci dhe kapiteni Agolli do të flasin në një konferencë për shtyp dhe në orën 19:00 do të zbresë në fushën e blertë për të zhvilluar seancën përgatitore.

LEXO: Milioneri suedez do të jetë gjyqtari i ndeshjes Maqedoni – Shqipëri

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP