Milioneri suedez do të jetë gjyqtari i ndeshjes Maqedoni – Shqipëri

UEFA i ka besuar një gjyqtari me shumë eksperiencë ndeshjen delikate ndaj Maqedonisë dhe Shqipërisë, që do të luhet nesër, në orën 20:45, në stadiumin “Mlladost” të Strumicës.

Kryesor do të jetë suedezi 44-vjeçar Jonas Erikson, i cili e ka marrë stemën e FIFA-s që në vitin 2003. Ai vlerësohet nga FIFA si një ndër arbitrat më të rëndësishëm ndërkombëtarë, i caktuar për të gjykuar edhe finale të Ligës së Europës. Gjithashtu, Erikson është pjesë e trupës më të mirë të gjyqtarëve të përzgjedhur për finalet e Botërorit dhe Europianit.

Erikson njihet si një gjyqtar multimilioner. Sipas mediave suedeze, vetëm nga shitja e 15% të aksioneve të një kompanie televizive, ai ka mundur të fitojë rreth 7 milionë euro pak vite më parë. Nesër asistentë të tij do të jenë Matias Klasenius dhe Daniel Uarnmark.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP