Me kontejnerë të rrëzuar para komune, tetovarët kërkuan dorëheqjen e Arifit (FOTO)

15:15-“Ka mbeturina, ja mbeturinat”, thirrën tetovarët duke rrëzuar kontejnerë të mbushur me mbeturina para Komunës së Tetovës me çka shprehën revoltën nga djegia e djeshme e deponisë së Tetovës dhe neglizhencën e Teuta Arifit ndaj këtij problemi të kamotshëm, njofton Portalb.mk.

Në protestë u mblodhën dhjetëra qytetarë të cilët konsiderojnë se Komuna nuk ka ndërmarrë hapat e nevojshme për ballafaqim me këtë problematikë.

Ata brohorisnin pandërprerë dhe të nevrikosur “Ua”, “Duam ajër të pastër” duke kërkuar edhe dorëheqjen e personave të Komunës. Thonë se kryetarja e komunës, Teuta Arifi duhet të lëshojë pozitën para se t’i skadojë mandati dhe të nisin zgjedhjet lokale.

Qytetarët u organizuan nëpërmjet rrjetit social fejsbuk si rezultat i ajrit të ndotur që u pa edhe sot nga djegia e deponisë në Tetovë.

Ndryshe, nesër “Eco Guerilla” rikthen protestat kundër ajrit të ndotur në Tetovë

No automatic alt text available.

________________________________________________________

12:00-Pas djegies së deponisë në hyrje të Tetovës sot banorët e këtij rajonit do të protestojnë për ajër të pastër, pasi që siç shprehen ata, është i padurueshëm kundërmimi, njofton Portalb.mk.

Protesta do të fillojë në ora 13:00 në sheshin e Tetovës për të vazhduar më pas drejt objektit të Komunës së Tetovës.

Në ndërkohë, banorët e Tetovës, një pjesë të deponisë së djegur e kanë dërguar para hyrjes së Komunës së Tetovës.

Përndryshe, zjarri i pasditës së djeshme nuk ishte i vetmi që u bë në deponinë e Tetovës, para mesnate deponia është rindezur sërish. Pasojat nga kjo janë parë edhe në orët e hershme të mëngjesit. Nga fotoja e shkrepur në ora 9 të mëngjesit shihet qartë se ndotja e ajrit vazhdon edhe më tej në Tetovë, ndërsa banorët sërish alarmojnë “se po mbyten nga ajri kancerogjen”.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP