Mbrerërit fituan Super Kupën (VIDEO)

Shkupi me sukses kaloi testin e organizatorit të mirë për një nga ndeshjet më të rëndësishme të Evropës, Super Kupën e UEFA-s. Në një atmosferë të mrekullueshme para më shumë se 30 mijë tifozëve që kishin ardhur në Shkup nga vende të ndryshme të rajonit, Evropës e botës, dy ekipet dhuruan ndeshje kualitative me rezultat 2:1 për Real Madridin duke e bërë skuadrën e dytë e cila dy vjet me radhë ka fituar Superkupën e UEFA-së, njofton Portalb.mk.

Pjesa e parë e ndeshjes përfundoi me gol epërsi për Realin e Madridit, me golin e shënuar në minutën e 24-t nga Casemiro.

45 minutat e para na dhuruan një ndeshje mjaft të taktizuar, e cila u zhvillua kryesisht në mesfushë ku pati duele të shumta.

Pjesa e dytë e lojës vazhdoi me edhe dy gola të tjerë nga që të dy skuadrat, skuadra spanjolle shënoi gol në minutën e 52-të nga Isco, ndërsa për skuadrën angleze golin e vetëm e shënoi Lukaku në minutën e 62-të.

Skuadra mbretërore pasi sezonin e shkuar u bë skuadra e parë që dy vite me radhë triumfoi në Ligën e Kampionëve, sonte në Shkup, e përsëriti suksesin e Milanit të shënuar në sezonin 1989 dhe 1990 dhe të bëhet skuadra e dytë e cila dy vjet me radhë ka fituar Superkupën e UEFA-së. Deri më tani “mbretërit” tre herë e kanë fituar këtë trofe, aq sa edhe trajneri I tyre Zidan i cili dy herë e ka fituar si futbollit dhe një si trajner.

Stadiumi “Filipi i dytë” i cili ka kapacitet prej 33.460 ulëse, ishte i mbushur përplot me mbështetësit e dy skuadrave më të pasura dhe më të njohura në botë. Përveç stadiumit, edhe rrugët e qytetit janë “të pushtuara” nga tifozë të të dyja skuadrave të cilët nuk arritën të sigurojnë bileta për të ndjekur ndeshjen në stadium.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

rolex replica paypal patek philippe
VERZIONI DESKTOP