Gruevski e dënon dhunën e mbrëmshme, por edhe mënyrën se si LSDM-ja zgjodhi kryetarin

“Dua ta dënoj dhunën që disa persona e kanë bërë duke i sulmuar dhe lënduar një numër të madh të deputetëve”, deklaroi lideri i VMRO-DPMNE-së, Nikolla Gruevski, pas mbajtjes së mbledhjes të komitetit ekzekutiv mbrëmë rreth orës 4 pas mesnate, njofton Portalb.mk.

Ai gjithashtu tha se mënyra të cilën LSDM e zgjodhi kryetarin e Kuvendit është joligjore.

“E dënoj mënyrën me të cilën LSDM dhe partitë tjera të cilët e mbështetën, vendosëntë bëjnë përpjekje joligjore të zgjedhin kryetar të Kuvendit, duke i shkelur të gjitha procedurat ligjore dhe demokratike, me të cilat deri në qëllim të fundit dhe me vetëdije kontribouan për rritjen e tensioneve dhe për politizimin në shoqërinë tonë”, deklaroi Gruevski.

Ai gjithashtu ftoi që të pranohet iniciativa e kryetarit Gjorgje Ivanov për takim të liderëve të partive politike, për, siç tha, gjetje të zgjidhjes institucionale në mënyrë të qetë, pa dëme shtesë për shtetin dhe qytetarët.