Gostivar, nxënësi sulmoi arsimtarin

Një nxënës pesëmbëdhjetë vjeçar i shkollës fillore “Ismail Qemali” të Simnicës së Gostivarit e ka sulmuar fizikisht arsimtarin e tij dhe i ka shkaktuar plagë në kokë, njofton Portalb.mk.

Policia e Tetovës informoi se rastin e ka paraqitur një i punësuar në shkollë dje rreth orës 8 të mëngjesit.

“Një nxënës pesëmbëdhjetë vjeçar nga kjo shkollë e ka sulmuar arsimtarin Sh.K (62) nga ky fshat. Sulmi u parapri nga një grindje e shkurtë verbale për shkak se nxënësi ka refuzuar të hyjë në klasë. Djaloshi iu drejtua mësimdhënësit dhe filloi ta godasë me grushta në kokë dhe në trup, duke i shkaktuar lëndime të dukshme në anën e majtë të kokës, gjegjësisht ënjtje në ballë”, deklaroi Marijan Josifovski zëdhënës i policisë së Tetovës.

I punësuari në shkollë e ndaloi nxënësin, ndërsa arsimtari i lënduar ka kërkuar ndihmë mjekësore.

Pas paraqitjes së rastit, nxënësi në prani të prindërit u ftua në stacioni policor të Gostivarit ku është biseduar me të dhe pas pastrimit të plotë të të gjitha detajeve që do të përballet me dorëzimin e duhur.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI MOBIL