Qeveria e Shqipërisë, ikin 4 ministra

Një ditë pasi u njoftua se kabineti qeveritar do të ketë ndryshimin e një numri të pacaktuar ministrash, kryeministri Edi Rama mblodhi në selinë e Partisë Socialiste 12 koordinatorët e qarqeve, pjesa më e madhe e tyre anëtarë të kabinetit, njofton top-channel, përcjell Portalb.mk.

Burime për Top Channel thonë se pritet të lëvizin ministri i Brendshëm Saimir Tahiri, ministri i Shëndetësisë Ilir Beqaj, ministri i Antikorrupsionit Bledi Çuçi dhe ministri i Mirëqenies Sociale, Blendi Klosi.

Largimi është vendosur sepse Tahiri do të kryesojë fushatën e zgjedhjeve në Tiranë, ndërsa Beqaj do të kryesojë fushatën edhe në Dibër, përveçse në Kukës.

Nesër do të zyrtarizohen largimet e tyre, ndërsa emrat e ministrave të rinj ende nuk dihen. Burime për Top Channel thonë se emrat e tyre i di vetëm kryeministri Edi Rama për momentin.

Në orën 17:00, në komunikimin javor në Facebook, kryeministri Edi Rama do të japë arsyet e ndryshimeve në qeveri.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP