Katica Janeva dhe Fatime Fetai dënohen me nga 2.000 euro

Gjykatësja Tatjana Mihajllova, e cila e udhëheqë gjykimin për protestat e dhunshme në Komunë Qendër, në seancën e sotme, i ka dënuar prokurorët e Prokurorisë Speciale, Katica Janeva dhe Fatime Fetai me nga 2.000 euro për mos-respektim të Gjykatës. Arsye për këtë ka qenë se prokurorja Fetai tha se proces-verbali i seancës së kaluar nuk ka qenë i sakt dhe nuk është shënuar plotësisht, njofton Portalb.mk.

“Në seancën e kaluar opinioni u përjashtua nga një pjesë e gjykimit, ndërkaq në proces-verbal shkruan se opinioni është përjashtuar krejtësisht në pjesë tjetër të gjykimit. Ne kemi inçizme të cilat e tregojnë atë”, tha prokurorja Fetai.

Prokurorja Katica Janeva theksoi se jo vetëm Gjykata, por edhe PSP ka mekanizma me të cilat mund të përballet me sjelljet e këtilla të Mihajllovës, ajo shtoi gjithastu se “nuk kuptojmë pse lëndën do e dërgojnë në Këshillin e Prokurorëve, kjo është shumë qesharake, sepse fillimisht duhet ta dërgoj në Këshillin Gjyqësor”.

 

Për të akuzuarin Nikolla Gruevski dhe avokatin e tij, Nikolla Dodevski, sot seanca më shumë u ka ngjarë “cirkut e jo gjykimit të vërtetë”. Dodevski tha se ka marrë përshtypje se Janeva dhe Fetai duan ta sabotojnë punën e Gjykatës.

Sipas avokatit të Gruevskit prokuroret e Prokurorisë Speciale Publike, Katica Janeva dhe Fatime Fetai kanë penguar procedurën me kundërshtime të cilat nuk kishin baza ligjore.

“Sjellje frapante e Prokurorisë Speciale, nuk kam sqarim tjetër veçse një skenar i përgatitur mirë që të kryhet presion ndaj gjykatësit”, u shpreh Nikolla Dodevski, avokati i Gruevskit.

Sot ishte seanca e tretë përgatitore për problemet në Komunën Qendër gjatë vitit 2013. Diskutimi kryesor është anuluar, ndërkaq lënda është dërguar në Këshill të Prokurorëve.

Nikolla Gruevvski

Nikolla Gruevvski

Në seancën e kaluar të mbajtur në dhjetor të vitit 2016, Gjykata i ka refuzuar audio-inçizimet si dëshmi, ndërkaq ka refuzuar edhe dëshmitar të mbrojtur të Prokurorisë Speciale.

Ndryshe, PSP më 15 shtator të vitit 2016, gjegjësisht në përvjetorin e formimit të saj ka ngritur aktakuzë kundër 14 personave prej të cilëve 5 persona janë akuzuar si nxitës dhe 9 persona si kryerësit direkt të dhunës. Këta persona në propozim akuzën janë të dyshuar për kryerjen e veprës penale “dhunë”’ në protestat para Komunës Qendër në vitin 2013. Në mesin e të akuzuarve është edhe ish ministri i Transportit dhe Lidhjeve, Mile Janakievski.

Ja çfarë ka dëgjuar opinioni për këtë ngjarje nga “bombat”.

 

6 thoughts on “Katica Janeva dhe Fatime Fetai dënohen me nga 2.000 euro

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP