Ankohen biznismenët, Qeveria Teknike nuk i përmbush obligimet ndaj nesh

“Qeverisja e BDI-së i ka shkaktuar shumë dëme ekonomisë së Maqedonisë. Qeveria Teknike nuk i përmbush detyrimet ndaj biznes-sektorit”, deklaroi profesori universitar Goran Rafajllovski, nga radhët e tryezës së rrumbullakët në shënimin e 95 vjetorit të Odës Ekonomike të Maqedonisë, njofton Portalb.mk.

Sipas tij prioritet i formimit të Qeverisë së re duhet të jetë kthimi i borxhit.

“Qeveria e re duhet të mundohet t’i kthejë borxhet e shtetit ndaj ndërmarrjeve publike, kompanive prej të cilave duhet të huazojë një miliard euro që ekonomia të funksionojë”, potencoi Rafajllovski.

Kryetari i Odës Ekonomike të Maqedonisë, Branko Azeski theksoi se Qeveria e ardhshme duhet të vendos dialog publiko-privat me komunitetin e biznesit.

“Mungon implementimi i ligjeve dhe përfshirja e komunitetit të biznesit në integrimin e ligjeve”, shtoi Azevski.

Ai potencoi se nuk mundet që politika të mos ndikojë në ekonomi, por biznes-sektori gjatë viteve ka arritur ta mbajë situatën politike.

“Dy vitet e fundit nuk bëjmë panik, biznesi ka funksionuar dhe kompanitë kanë punuar. Por, po të mos ekzistonte kriza do të arrinim rezultate më të larta”, theksoi Azeski.

Zëvendës drejtori gjeneral i minierës “Buçim”, Nikolla Nikollov, deklaroi se këtë periudhë ka stagnuar zhvillimi i biznesit.

“Prodhimtaria është normale dha varet nga personat që punojnë aty. Por, dhënien e lejes për koncesion ose leje të tjera nuk funksionon. Në 40 vitet e fundit nuk është ndërtuar asnjë kapacitet i minierave” shtoi Nikollov.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP