Poeti Sadri Jakupi e promovoi përmbledhjen me poezi “Koha është…”

“Koha është…”, ky është titulli i përmbledhjes më të re me poezi, të poetit nga fshati Sillare e Poshtme, Sadri Jakupi, i cili sonte në një atmosferë të ngrohtë e promovoi në Shtëpinë e Kulturës “Koço Racin” – Shkup, raporton Portalb.mk.

Para mysafirëve autori, i poezive të gjendjes dhe realitetit të shoqërisë shqiptare, foli shkurt rreth librit, duke lënë që lexuesi të vlerësojë me tepër për punën e tij.

Recensenti i përmbledhjes, Fadil Curri, para të pranishmëve e shtjelloi thelbin e përmbajtjes së poezive, duke theksuar se përmbajtja është e përbërë prej vargjeve të tematikave të ndryshme që e kanë pikëtakim kohën, duke filluar nga durimi, shpresa, gjurmët, humbja kërkimi etj.

Me rastin e promovimit, të diplomuarit e Katedrës së Gjuhës dhe Letërsisë Shqiptare të Universitetit “Shën Kirili dhe Metodi”, Emrush Kurtishi, Ismail Rushiti, Hateme Alimi dhe Rabije Dardhishta, recituan vargje të poetit, nën melodinë e tingujve të flautistes, Argjira Çollaku dhe kitaristit, Jetmir Mehmeti.

“Koha është…”, shkruhet si përmbledhja e tretë në biografinë e autorit, pas “Koha e mallkuar” dhe “Dëshmitë e kohës”. /Portalb

Grupi recitues

Grupi recitues

15034435_1217704954966655_653030750_o

15034126_1217704928299991_338235951_o

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP