Nga sot, 8 tetor deri më 13 nëntor, në Muzeun e Luftës Maqedonase do të mbahet edicioni i 18-të i Festivalit të Artistëve të Muzikës të Maqedonisë së Veriut “Lira e Artë” e organizuar nga Unioni i Artistëve të Muzikës së Maqedonisë së Veriut (UAMM), njofton Portalb.mk.
Këtë vit, siç theksojnë organizatorët, festivali do të ofrojë dhjetë koncerte të jashtëzakonshme me repertor të pasur dhe të larmishëm, ku do të prezantohen vepra nga krijimtaria maqedonase e Odës, së bashku me kompozime të autorëve botërorë.
“Podiumi i festivalit do të mirëpresë artistët dhe ansamblet e Odës: Piano Trio (Tatjana Petrushevska – oboe, Marjan Milloshevski – fagot dhe Petar Makarievski – piano), Goran Naçevski (bariton) dhe Nicoleta Conti (piano), Vesna Gjinovska Ilkova (soprano) dhe Kristina Svetieva (piano), dyshja e pianos Bozhinovska – Dimovska, Llazar Sokollov (saksofon) dhe Emilia Kabranova – Filipova (piano), Elena Atanasovska Ivanovska (piano), Vlladimir Kostov (violinë) dhe Cvetanka Sozovska (arpsikord), Trio AURA (fitues të çmimeve) “Lira e Artë” në vitin 2023) dhe Danica Stojanova (piano). Këtë vit në podiumin e festivalit do të kenë mundësi të performojnë muzikantët e rinj Ivan Stojanov (piano), Ana Kuzmanovska (violinë), Lina Nikolloska (violinë) dhe Antica Nikolloska (violinë)”.
Në ceremoninë përmbyllëse të festivalit më 3 nëntor do të jepet çmimi “Lira e Artë”, të cilin UAMM tradicionalisht ua dhuron artistëve apo ansambleve muzikore për arritjet më të mira artistike gjatë vitit të kaluar.
Festivali “Lira e Artë” realizohet me mbështetjen e Ministrisë së Kulturës dhe Turizmit kurse hyrja në të gjitha koncertet e programit të festivalit është falas.