Policia e trafikut nga Sektori i Punëve të Brendshme të Shkupit gjatë ditës së djeshme kanë shkruar gjithsej 144 gjoba për vepra të ndryshme, njoftoi Ministria e Punëve të Brendshme (MPB), transmeton Portalb.mk.
“Në mesin e të dënuarve ka për vozitje me shpejtësi më të madhe se shpejtësia e lejuar (47 dënime), pastaj janë shqiptuar edhe 7 masa për drejtim automjeti pa patentë shoferi, tre dënime për kalim në sinjal të mbyllur (dritë të kuqe), 7 masa për përdorim të celularit gjatë drejtimit të automjetit”, njofton Ministria e Punëve të Brendshme.
Nga aty shtojnë se kontrollet në trafik do të vazhdojnë edhe në ditët në vijim.
“Apelojmë te qytetarët që t’i respektojnë rregullat dhe rregulloret e trafikut për të rritur sigurinë në trafik dhe së bashku të kontribuojmë për rrugë më të sigurta”, thonë nga MPB.