Rrjeti social X në përpjekje për tu shndërruar në aplikacionin që ofron çdo gjë, po punon për të sjellë një funksionalitet të ri i cili duket se ju shërben më shumë punonjësve të saj sesa vetë përdoruesve, transmeton PCW.
Kompania po teston versionin e saj zë Zoom quajtur X Conference. Një punonjës i kompanisë tha se mjeti i ri po testohet brenda kompanisë.
Sipas Chris Park, mjeti është një version bazik i një aplikacioni video konferencash me shumë pjesëmarrës dhe jo aq i sofistikuar sa Zoom apo Google Meet.
Aplikacioni mbështet video thirrjet person-me-person por edhe transmetimet publike përmes Spaces. Rrjeti social ka hasur vështirësi teknike në të kaluarën me transmetimet e profili të lartë siç është shembulli i bisedës së Musk me Donald Trump.
Musk fajësoi një sulm DDoS, një shpjegim që u vu në pikëpyetje nga shumë ekspertë sigurie. Ndërsa nuk është i qartë grupi i përdoruesve për të cilin ky mjet është ndërtuar, nuk është hera e parë që kompania tenton të ofrojë shërbime dhe funksionalitete për korporatat.
Vitin e kaluar X shtoi një mjet kërkimor për vendet e punës.