Ministria për Arsim dhe Shkencë deri më 31 maj do të mund të pranojë aplikime nga nxënësit e klasave të nënta në arsimin fillor në Maqedoninë e Veriut, nëse duhan të regjistrohen në Shkollës e Mesme Shtetërore “Gjimnazi Matematiko-Informatikë”, transmeton Portalb.mk.
Për t’u regjistruar në këtë gjimnaz, do të bëhet edhe provim pranues, por paraprakisht duhet të plotësohen kushtet e suksesit dhe sjelljes.
“Në Gjimnazin Matematiko-Informatike regjistrohen nxënës të rregullt të cilët kanë përfunduar arsimin fillor, kanë arritur sukses të përgjithshëm prej së paku 4,5 nga klasa e gjashtë deri në të nëntën në arsimin fillor dhe me notë 5 në lëndët mësimore matematikë nga klasa e gjashtë deri në të nëntën dhe fizikë nga klasa e tetë dhe e nëntë në arsimin fillor, dhe kanë dorëzuar vërtetim me numrin e pikëve të fituara nga provimi pranues”, sqaroi Ministria.
Provimi pranues në matematikë do të mbahet më 7 qershor, ndërsa në fizikë më 11 qershor.
Ndryshe, Ministria e Arsimit dhe Shkencës (MASH) më 27 mars shpalli konkursin për regjistrimin e nxënësve në shkollat e mesme publike për vitin akademik 2024/2025. Regjistrimi i parë elektronik i nxënësve do të bëhet nga data 20 qershor deri më 25 qershor 2024, ndërsa regjistrimi i dytë elektronik i nxënësve do të bëhet në datat 1 dhe 2 korrik dhe dokumentacioni në letër duhet të dorëzohet në të njëjtat ditë.
Ndonëse regjistrimi elektronik u prezantua për herë të parë dy vite më parë, nxënësve u duhej të sillnin dokumentet në shkollë në formë letre. Kështu do të jetë edhe këtë vit.