Komisioni Rregullator për Energjetikë (KRRE) vendosi që nga mesnata të ketë çmime të reja të derivateve në vend, përkatësisht rritje. Çmimi i Eurodieselit (D-E V) dhe i vajit ekstra të lehtë për amvisëri (EL-1) ulet për 0,50 denarë për litër. Çmimi i Eurosuper BS-98 do të rritet për 0,50 denarë, ndërsa benzina Eurosuper BS-95 do të shitet me çmimin aktual, transmeton Portalb.mk.
Ndryshime ka edhe në çmimin me pakicë të mazutit M-1 NS dhe nga mesnata do të rritet për 0,094 denarë, ka vendosur sot Komisioni Rregullator për Energjetikë.
Sipas vendimit, çmimi i ri i Eurosuper BS-95 do të jetë 87 denarë për litër, Eurosuper BS-98 do të kushtojë 89 denarë, ndërsa Eurodizeli (D-E V) do të shitet për 81 denarë për litër.
Me vendim të KRRE-së, nga sonte në mesnatë, vaji ekstra i lehtë 1 (EL-1) do të kushtojë 80,50, ndërsa mazuti M-1 NS do të shitet për 46,158 denarë për kilogram.